Uitdrukking: Iemand se tande is getrek

Argieffoto

Argieffoto

Uitdrukking:
Iemand se tande is getrek

Betekenis:
Iemand is magteloos

Waar kom dit vandaan?
Ontleen aan ‘n fabel van Esopus: ‘n Leeu het op die beeldskone dogter van ‘n houtkapper verlief geraak en het gaan ouers vra. Dié was in vertwyfeling want hulle wou nie hulle dogter aan die leeu gee nie, maar wou ook nie die koning van die diere kwaad maak nie.

Uiteindelik het die pa gesê: “Ons voel geëerd dat u met ons dogter wil trou, maar sy is maar ‘n tere jong dingetjie en baie bang vir u tande en naels. Mag ek vra dat u u tande laat trek en die kloue laat afkap? Ons kan dan weer praat.”

Die leeu was so verlief dat hy ingewillig het. Maar toe hy terugkom, het die ouers hom uitgelag en die pa het hom met sy byl in die woud ingejaag.

Die les is dat liefde die wildste dier kan tem.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.