Uitdrukking:
Iets met vers en kapittel bewys
Betekenis:
Iets noukeurig bewys
Waar kom dit vandaan?
Kapittel se Latynse voorouer capitulum het oorspronklik “titel van ʼn hoofstuk beteken”. Om iets met vers en kapittel te bewys, beteken dus dat ʼn mens die hoofstuk en die plek in die hoofstuk kan aanhaal om jou betoog te staaf.
Bron: Spreekwoorde en waar hulle vandaan kom
- Ter wille van die konteks van hierdie taaltoffie en ter wille van erkenning aan die bron versoek ons dat jy nie bloot net ʼn skermskoot van hierdie taaltoffie op sosiale media sal deel nie, maar eerder die skakel van die Toetentaal-plasing sal gebruik. -Red
Ek het hierdie uitdrukking in graad 11 geleer, maar niemand het die moeite gedoen om die etomologie aan ons te verduidelik nie. Jy moet mos net die goed soos ‘n papegaai herhaal vir ‘n ou puntjie in die eksamen.
Ek het nog nooit dié uitdrukking gehoor nie altyd lekker om iets nuuts te leer