Uitdrukking: In die boontjies raak.
Betekenis: Verward raak. In die moeilikheid raak
Engels: Be bewildered. Get into hot water.
Waar kom dit vandaan?
Volgens ʼn ou volksgeloof het die blomme van boontjies in die voorjaar ʼn bedwelmende uitwerking op ʼn mens gehad. Iemand wat in so ʼn boontjieveld geslaap of te lank daarin vertoef het, het duiselig en heeltemal verward geraak. Meisies, veral, se koppe het daarvan gedraai sodat hulle maklik in voorhuwelikse moeilikheid kon raak.
