Argieffoto (Pixabay)
Uitdrukking:
Jou sout verdien; jou sout werd wees
Betekenis:
Iets nuttigs verrig; waarde vir geld gee
Waar kom dit vandaan?
Voor die ontwikkeling van geldstelsels is sout op plekke gebruik om mense te betaal, byvoorbeeld die werkers en soldate van ou Rome. Sout in Rome was skaars en dus baie duur. (Italië het geen natuurlike soutbronne nie, en selfs vandag nog moet ʼn mens ʼn lisensie hê as jy daar sout wil koop en verkoop.) Die woord salaris kom direk van die Latyns salarium, die soldaar se soutgeld. As iemand dus nie sy sout werd is nie, beteken dit dat hy nie sy salaris werd is nie.
