Uitdrukking: ʼn Enakskind

Argieffoto (Foto: RyanMcGuire, Pixabay)

Uitdrukking:
ʼn Enakskind

Betekenis:
ʼn Besondere groot mens

Waar kom dit vandaan?
Ontleen aan die Bybel uit Numeri 13:33: “Ons het daar ook die reuse gesien, die kinders van Enak, van die reuse afkomstig; en ons was soos sprinkane in ons oë; so was ons ook in hulle oë (1953-vertaling).”

Enak was die stamvader van die legendariese reuse wat voor die koms van die Israeliete in Kanaän was.

Bron: Spreekwoorde en waar hulle vandaan kom

• Ter wille van die konteks van hierdie taaltoffie en ter wille van erkenning aan die bron versoek ons dat jy nie bloot net ʼn skermskoot van hierdie taaltoffie op sosiale media sal deel nie, maar eerder die skakel van die Toetentaal-plasing sal gebruik. – Red