Uitdrukking:
ʼn Negedaagse wonder
Betekenis:
Iets wat vir ʼn kort tydjie opspraak verwek
Waar kom dit vandaan?
Na aanleiding van klein hondjies en katjies wie se oë na ongeveer nege dae oopgaan. Oorgedra op die mens beteken dit dat daar vir ʼn kort tyd oor ʼn saak gewonder word, waarna die oë oopgaan en die saak duidelik word.
Dankie. Dis interessant.
Ek sien in ‘n onlangse Maroela Media rubriek gebruik Herman Toerien die uitdrukking “met die kluitjie in die wind stuur”. Waar kom dit vandaan?
Dagsê Otter
Die oorspronklike uitdrukking is eintlik “Iemand met ‘n kluitjie in die riet stuur”. Dit beteken om met mooipraatjies/beloftes van iemand ontslae te raak, of iemand se vrae/versoeke te ontwyk. Die uitdrukking het ontstaan vanweë ‘n jagter wat ‘n kluit tussen die riete gooi, as hy wil hê sy apporteerhond moet die eende tussen die riete opjaag – die kluitjie flous dus die hond.
Groetnis
Suné
nms Maroela Media
Dankie vir die verduideliking, Suné.