Uitdrukking:
‘n Negedaagse wonder
Betekenis:
Iets wat vir ‘n kort tydjie opspraak verwek.
Waar kom dit vandaan?
Na aanleiding van klein hondjies en katjies wie se oë na ongeveer nege dae oopgaan. Oorgedra op die mens beteken dit dat daar vir ‘n kort tyd oor ‘n saak gewonder word, waarna die oë oopgaan en die saak duidelik word.
Is hierdie verduideliking volledig, of is dit net bespiegeling? Kom die uitdrukking nie van die Shakesperiaanse akteur, William Kemp, se negedaagse “morris dance” vanaf Londen tot Norwich af nie? Of ten minste, dat dit deur daardie gebeurtenis gepopulariseer is?
Dagsê Paul, die verduideliking kom net so uit dr. Anton Prinsloo se boek, “Spreekwoorde en waar hul vandaankom”. Dit is moontlik net ‘n bespiegeling en nie die volledige verduideliking nie. Jou verduideliking dra dalk ook water. Groetnis