Uitdrukking: ʼn Van der Walt-skoot skiet

Argieffoto (Foto: RyanMcGuire, Pixabay)

Uitdrukking:
ʼn Van der Walt-skoot skiet

Betekenis:
Absoluut akkuraat skiet

Waar kom dit vandaan?
Uit die Van der Walt-familie kom twee gepubliseerde weergawes van die oorsprong van dié uitdrukking: Die gebeure stem grootliks ooreen, maar die hoofkarakters verskil.

Gemeen aan al twee is dat ʼn leeu gejag is, en dat Tjaart van der Walt (by Sneeuberg naby die huidige Graaff-Reinet, of die Rooiberg of Renosterberg suid van Middelburg, Kaap, in die twee weergawes) en sy broer, Johannes Petrus, daarby betrokke was (of: ook Johannes Petrus se seun, wat toe nege jaar oud was).

Die leeu het uit die kloof gekom en Johannes het hom gekwes. Iemand (Tjaart of Johannes) het te perd probeer vlug, maar die leeu het hom ingehaal en op die perd en ruiter gespring. Een van die betrokkenes het perd, ruiter en leeu toe ingejaag en met een skoot doodgeskiet.

Volgens die een weergawe was Johannes die slagoffer van die leeu, en volgens die ander Tjaart. Volgens een het Tjaart die kolhou geskiet; volgens die ander Johannes Petrus se jong seun.      

Bron: Spreekwoorde en waar hulle vandaan kom

  • Ter wille van die konteks van hierdie taaltoffie en ter wille van erkenning aan die bron versoek ons dat jy nie bloot net ʼn skermskoot van hierdie taaltoffie op sosiale media sal deel nie, maar eerder die skakel van die Toetentaal-plasing sal gebruik. – Red

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.