Uitdrukking: ʼn Wit olifant

Foto ter illustrasie. (Foto: Patrick Duvanel/Unsplash)

Uitdrukking:
ʼn Wit olifant

Betekenis:
Iets wat geen doel dien nie en ’n oorlas is.

Waar kom dit vandaan?
In ou Siam (nou Thailand) is ’n wit olifant as heilig beskou. As ’n howeling die koning geïrriteer het, het hy ’n wit olifant as koninklike geskenk ontvang. Omdat die dier heilig was, moes die arme howeling natuurlik sorg dat die ding genoeg kos en water het, en gereeld geskrop en gepamperlang word. Die olifant mag ook nie gewerk het nie, en was dus nutteloos vir die ontvanger. Dink ’n mens daaraan dat so ’n dier tot 250 kg kos per dag verorber, is dit nie juis die ekonomiesste troeteldier wat daar is nie.

Bronne: Spreekwoorde en waar hulle vandaan kom