Argieffoto. (Foto: Tumisu/Pixabay)
Uitdrukking:
Naberou is galberou
Betekenis:
Berou wat agterna kom, veroorsaak baie verdriet.
Waar kom dit vandaan?
Galberou is waarskynlik ʼn vervorming van Nederlands galgberouw. Dit is die berou wat ʼn veroordeelde aan die voet van die galg uit doodsangs het.
Bron: Spreekwoorde en waar hulle vandaan kom
- Ter wille van die konteks van hierdie taaltoffie en ter wille van erkenning aan die bron versoek ons dat jy nie bloot net ʼn skermskoot van hierdie taaltoffie op sosiale media sal deel nie, maar eerder die skakel van die Toetentaal-plasing sal gebruik. – Red
Ander uitdrukkings waarin “berou” voorkom, is soos volg:
1. Berou is wellus se nagereg.
2. Die stert en berou kom altyd agterna.
3. Dit is beter om te neem en berou te he, as om te laat en berou te he.
4. Haas is die suster van berou.