Argieffoto (Foto: Free-Photos, Pixabay)
Uitdrukking:
stapelgek wees
Betekenis:
Kranksinnig wees
Waar kom dit vandaan?
Vroeër eeue kon ons taalvoorouers wel sê dat iemand so gek soos ʼn stapel is, wat vandag nie meer sin maak nie, aangesien die betekenis van stapel vir ons verlore geraak het. Die Nederlandse krekel “kriek” het eeue gelede saam met die sprinkaan ook as ʼn stapel bekend gestaan. Om stapelgek te wees, was dus om rond te spring soos ʼn kriek of springhaan (soos die insek in Nederlands bekend was). ʼn Soortgelyke intensief wat nooit in Afrikaans posgevat het nie, was pepelsot, wat beteken het om so sot soos ʼn pepel te wees, waar pepel die naam vir ʼn vlinder was en dié insek self ʼn onvoorspelbare vliegpatroon volg. Vandag het ons sprekende voorbeelde van hierdie soort woord in byvoorbeeld hondmak, rateltaai.
Baie dankie, oulik man!