Uitdrukking:
Tot die bitter einde toe.
Betekenis:
Totdat ‘n mens nie verder kan gaan nie.
Waar kom dit vandaan?
Hoewel hierdie uitdrukking eg Afrikaans is, is die bitter daarin van Engelse herkoms. Die oorsprong lê in die seemanstaal. Die bitts van ‘n skip is die bolders waaromheen toue en kettings gedraai is. As die tou ten volle afgewen is, was dit tot op die einde van die bolder, dus tot op die bitter einde.