Uitdrukking:
Van lotjie getik wees
Betekenis:
Nie heeltemal by jou verstand wees nie
Waar kom dit vandaan?
Die oorsprong is onseker. Nederlandse bronne spekuleer dat dit beteken om ʼn klap van ʼn deel van die kruismas op ʼn driemaster teen die kop te kry – in Nederlands die lorretje, dus van lorretje (ingekort tot lotjie) getik wees. ʼn Ander moontlike verklaring hou verband met die naam vir ʼn mak papegaai, Lori. In Nederlands is daar ʼn uitdrukking van lorretjie gepikt zijn wat beteken “nie reg in jou kop wees nie”. In Afrikaans is gepikt moontlik as getik oorgelewer.
Die eerste verduideliking “van lorretjie getik,” klink ook of dit moontlik verband kan hou met iemand “het ‘n klap van die windmeul weg.” Of nie?