Vol kwinte en kwale wees
Uitdrukking:
Vol kwinte en kwale wees
Betekenis:
Vol grille/klagtes wees
Waar kom dit vandaan?
Die woord kwinte se oorsprong is Frans, quinte, wat “slegte humeur” beteken het. Daardie humeur was nie woede nie, maar een van die vloeistowwe van die liggaam (saam met bloed, gal en slym), wat na bewering die mens se buie beheer het.
Die Franse woord se oorsprong is in Latyn quinta (hora), wat beteken het “aanval wat elke vyf uur terugkeer”.
