Uitdrukking: Die grond brand onder sy voete
Betekenis: Hy voel ontuis, is nie op sy gemak nie, hy wil weg.
Uitdrukking: Op droë grond val
Betekenis: ‘n Vermaning of iemand se sarkasme het geen uitwerking nie.
Uitdrukking: Op droë grond visvang
Betekenis: Vrugtelose pogings aanwend om ‘n geheim te wete te kom.
Uitdrukking: Grond eet of vreet
Betekenis: Val.
Uitdrukking: Die grond is te koud vir hom
Betekenis: Gesê wanneer iemand ʼn buitengewone mate van respek of aandag geniet.
Hierdie interessante brokkie is aan Maroela Media se Taaltoffie verskaf deur die Woordeboek van die Afrikaanse Taal. Ondersteun gerus hulle Borg ‘n Woord-projek.