Uitdrukking: ’n Wolf in skaapsklere

Argieffoto (Foto: Miroslavik/Pixabay)

Uitdrukking:
Iemand is ʼn wolf in skaapsklere.

Betekenis:
Die persoon doen hom/haar anders voor as wat hy/sy eintlik is, met ander woorde die persoon is skynheilig.

Waar kom dit vandaan?
Die uitdrukking het sy oorsprong in een van Esopus se fabels waarin ʼn wolf, wat sukkel om ʼn skaap te vang omdat die skape slimmer as hy is, ʼn verlate skaapvel gebruik om homself as ʼn skaap te vermom en die trop op daardie wyse te bedrieg. Deur sy vermomming kan die wolf onopgemerk baie naby aan die skape kom in die hoop om maklik een van hulle vir aandete te vang. Hierdie strategie het ʼn ruk lank gewerk totdat die wolf deur ʼn skaapwagter gesien en geslag is omdat hy vir ʼn regte skaap aangesien is.

Die uitdrukking kom ook in die Bybel in Matteus 7:15 voor, en dit word gebruik om na vals profete te verwys.

Bron: Spreekwoorde en ander segswyses

  • Ter wille van die konteks van hierdie taaltoffie en ter wille van erkenning aan die bron versoek ons dat jy nie bloot net ʼn skermskoot van hierdie taaltoffie op sosiale media sal deel nie, maar eerder die skakel van die Toetentaal-plasing sal gebruik. – Red.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.