Die Mei-uitgawe van Hoezit! wat deur die ATKV uitgegee word is nou op die rak. Dié maandelikse voortiener-tydskrif vir ouens en meisies is volgepak met moet-weet inligting, vermaaknuus en tonne kompetisies!
Iron Man pronk op die voorblad – spesiaal vir die vrystelling van The Avengers: die koelste superheldfliek tot nog toe! Daar’s ‘n spesiale vraelys wat lesers sal help om uit te vind watter superheld hulle alter-ego is – is jy Thor, of dalk die Hulk?
In Hoezit! gesels hulle ook met Laura Marano van die splinternuwe Disney Channel-reeks, Austin & Ally, en loer bietjie na die musiek van plaaslike groep Fire through the window.
Ontdek die vreemde wêreld van deurskynende diere, vind uit of jy ‘n intro- of ekstrovert is en maak hope geld met hul entrepreneur-blitsgids! Vind ook alles wat jy moet weet uit oor die watersiklus, en hoekom waterbesparing so lewensbelangrik is.
Lesers kan tonne pryse wen: Happy Feet 2-DVD’s, Fifa Street 4-speletjies, ‘n Alcatel OneTouch-selfoon, Greyson Chance-CD’s en hope boeke, insluitend die Guinness World Records 2012: Gamer’s Edition.
Hoezit! is ook nou beskikbaar as ‘n digitale tydskrif, om afgelaai en gelees te word op jou rekenaar, tablet of selfoon. Klik hier om in te teken.
