Maroela Media se 10 gewildste Taaltoffies vir 2020

Hierdie 10 artikels is in 2020 die meeste gelees op Maroela Media se Toetentaal-afdeling.

10. Johan Badenhorst van ‘Voetspore’: ‘Hoe verder jy gaan, hoe meer wil jy reis’

ʼn Mens sou kon dink dat Johan Badenhorst se soeke na avontuur al ʼn versadigingspunt bereik het. Hy is immers die man wat meer as 250 000 km afgelê en sowat 40 Afrikalande besoek het. Allermins!

9. Zwarrie-onnies: ‘Almal het ʼn storie om te vertel’

Vyf Afrikaans-onderwysers van Hoërskool Zwartkop in Pretoria het besluit dat hulle talente nie langer in ʼn lessenaar se laai weggesteek kan word nie.

8. Pa wil hoop gee ná tragedie

Op daardie dag, 5 April 2003, het Stefan uitgesien na tyd saam met sy seun, min wetend dat ʼn fratsongeluk later tot sy dood sou lei.

7. Fanie Viljoen: ‘Dit gaan mense soos ʼn vuishou in die donker tref’

Viljoen is opgewonde oor sy jongste boek wat volgens hom ʼn eerste in Afrikaans is.

6. Boek-uittreksel: Mia – ‘n Ma se storie van verlies en hoop

’n Motorongeluk tydens ’n gewone gesinsvakansie verander die Robbertsgesin se lewe dramaties.

5. Boekresensie: Huis van gruwels

Huis van gruwels: My 16 jaar in die Springs-hel skok jou stil. Die boek lees soos ’n riller wat jou wind uitslaan. Mens sukkel om te glo dat dit ’n ware verhaal is en nie grieselrige fiksie nie.

4. Hans du Plessis gesels oor ‘Die opstand van Poppie Nel’

Hans du Plessis se jongste roman, Die opstand van Poppie Nel, is gegrond op die aangrypende verhaal van ʼn weerlose meisie wat jare lank deur ʼn sleutelfiguur in haar lewe gemanipuleer en verneder is.

3. Hofmeyr sluit Sluiper-reeks af

Steve Hofmeyr se jongste spanningsroman, Die kwesbares, die derde boek in sy Sluiper-reeks, is onlangs bekendgestel. In 2017 het Die onaantasbares verskyn waarna Die Lucky Strike in 2018 gevolg het.

2. Lees ’n uittreksel uit ‘Maggie: My lewe in die kamp’

Maggie Jooste was ʼn Afrikaner tienermeisie tydens die Anglo-Boereoorlog. Sy en haar vyf jonger broers en susters is in konsentrasiekampe in Natal aangehou.

1. ‘Ek word afgepers ná ’n buite-egtelike kuberverhouding’

Sy gereelde besoek aan sy gunsteling-internettoepassing lei hom vanaand na ’n geselsie met ’n onbekende blonde vrou.