Taalgebruik: Afkappingsteken

Argieffoto (Foto: Monika/Pixabay)

Dié inligting oor die gebruik van die afkappingsteken in Afrikaans kom uit die Afrikaanse woordelys en Afrikaanse Woordelys en Spelreëls (11de omvattend herbewerkte uitgawe).

Oriëntasie:
Die afkappingsteken staan ook bekend as die apostroof. Let op die korrekte vorm van die afkappingsteken, naamlik ’ of ‘, en nie ‘ nie.

Reël 2.15 (volgens die AWS se indeling van spelreëls): Die afkappingsteken word tradisioneel in sekere gevalle gebruik om aan te dui dat een of meer klanke in ʼn woord of woorde nie uitgespreek word nie.

  • gʼn (vir geen),
  • ’k (vir ek, soos in ’k weet nie, ’k glo hom nie),
  • ʼn (as verswakking van die ouer lidwoordvorm een),
  • ’s (vir is, soos in hy’s, daar’s),
  • sʼn of sʼne (vroeër syn of syne),
  • ’t (vir het, soos in hy’t, of as verswakking van die ouer voornaamwoord of lidwoord het, soos in as’t of as ’t ware, hy is aan’t of aan ’t oes)

Opmerking(s):

  • Tradisioneel word by onder andere als (naas alles), dis (naas dit is) en tru (naas terug) geen afkappingsteken gebruik nie. 
  • ’s en ’t word vas aan die voorafgaande woord geskryf as hulle ʼn verswakking is van onderskeidelik die werkwoorde is en het, byvoorbeeld: hy’s hier, sy’t griep.
  • ’t as verswakking van die ou Nederlandse voornaamwoord of lidwoord het word tradisioneel los van of vas aan die voorafgaande woord geskryf, byvoorbeeld: aan’t oes of aan ’t oes, as’t ware of as ’t ware.

Dié taalbrokkie is ʼn verkorte weergawe van die oorspronklike inligting wat in die nuwe Afrikaanse Woordelys en Spelreëls (11de omvattend herbewerkte uitgawe) gepubliseer is.
Uitgewer: Pharos
Prys: R490-00*
*Prys onderworpe aan verandering
Koop die boek by 
Graffiti Boeke 

  • Ter wille van die konteks van hierdie taaltoffie en ter wille van erkenning aan die bron versoek ons dat jy nie bloot net ʼn skermskoot van hierdie taaltoffie op sosiale media sal deel nie, maar eerder die skakel van die Toetentaal-plasing sal gebruik. – Red

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

B-Man ·

Stem saam. Dis nie “…of ‘…” nie. Dit moet eintlik net die eerste een wees, nl. ’. Die een krul na bo en die ander na onder. Slegs die een wat na onder krul moet hier aangewend word.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.