Taalgebruik: Afkappingsteken

Argieffoto

Die afkappingsteken word gebruik by die meervouds- en verkleinignsvorme van eiename wat einde op e of (r)s wat nie uitgespreek word nie en waarvan die meervoud met onderskeidelik e of s gevorm word.

Terblanche’e – Terblanch’ie
Cecile’s – Cecile’tjie, Estelle’s, of Estelle’e – Estelle’tjie
Celliers’s – Celliers’tjie, De Villiers’s – De Villiers’tjie (uitspraak: De Viljee), Du Plessis’s – Du Plessis’tjie, Marais’s – Marais’tjie
Louis’s – Louis’tjie

Opmerking:
As die slot –s van ʼn van soos De Villiers of viviers wel uitgespreek word, is die meervouds- en verkleiningsvorm sonder ʼn afkappingsteken, byvoorbeeld: De Villierse – De Villiersie, Vivierse – Viviersie.

Die afkappingsteken word nie gebruik by die meervouds- en verkleiningsvorme van eiename wat eindig op t, w, x of z wat nie uitgespreek word nie.

Du Toits – Du Toitjie
Pauws – Pauwtjie, Rossouws – Rossouwtjie
De Roubaixs – De Roubaixtjie, Le Rouxs – Le Rouxtjie, Tredouxs – Tredouxtjie
Du Preezs – Du Preeztjie

Dié inligting is oorspronklik gepubliseer in die nuwe Afrikaanse Woordelys en Spelreëls (11de omvattend herbewerkte uitgawe)
Uitgewer: Pharos
Prys: R450-00*
Koop die boek nou by Graffiti Boeke vir slegs R360-00*
*Prys onderhewig aan verandering

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae