Taalgebruik: bedien, dien, diens

Argieffoto

Argieffoto

Restaurantgaste word bedien, asook ʼn gemeente en ʼn masjien.

Die bediening [NIE: diens] in die restaurant was flink, maar die dienslewering in die stad swak.

Kos word, na gelang van omstandighede, voorgesit, opgedien, opgedis of opgeskep [EERDER AS: bedien]; drank word aangebied of geskink.

Mense word van raad/advies gedien [NIE: bedien] maar sê liewer raad/advies word aan iemand gegee.

Iemand dien in [NIE: op] ʼn bestuur, kabinet, komitee, raad of redaksie.

ʼn Dagvaarding word aan iemand bestel of beteken [NIE: bedien].

ʼn Tennisspeler slaan af [NIE: dien].

Almal is aan [NIE: op] diens of almal werk, en hulle is/kom van diens of die werk.

Iemand doen/verrig nagdiens of werk snags [NIE: werk nagdiens] en is dan ʼn diensdoende [NIE: diensdoenende] persoon.

Hierdie brokkie is gepubliseer in die boek: Skryf Afrikaans van A tot Z
Uitgewer: Pharos
Prys: R425-00*
* Prys onderhewig aan verandering

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae