Taalgebruik: belofte, gelofte

Argieffoto (Foto: TeroVesalainen/Pixabay)

Moenie dié twee woorde met mekaar verwar nie. ‘n Belofte word aan mense gemaak, terwyl ‘n gelofte aan God gemaak word.

belof·te s.nw. [beloftes]
1 wat beloof/toegesê word: ’n belofte aflê/maak/doen • ʼn plegtige belofte • ’n belofte hou/nakom/vervul • ’n holle/leë belofte • iemand aan sy/haar belofte hou • jou belofte teenoor iemand (ver)breek • iemand van ’n belofte ontslaan/vrystel.
2 verwagting van iets goeds: ’n kortverhaalbundel/skrywer wat vol belofte is • Die planne vir infrastruktuur- en toerismeontwikkeling hou groot belofte vir die boubedryf in.

Uitdrukkings:
Belofte maak skuld (en wie daarop wag, is gekuld).
-As jy iets belowe het, is dit jou plig om dit te doen.
Hulle het hom met leë beloftes weggestuur.
-Hulle wou net van hom ontslae raak.

ge·lof·te s.nw. [geloftes]
plegtige belofte/onderneming, veral teenoor God: ’n gelofte aflê/hou/nakom/vervul • ’n gelofte gestand doen • ’n gelofte breek.

Bron: HAT

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.