Groot mense is mense wat lank en swaar is. Grootmense is volwasse mense.
Dieselfde geld kinders: Klein kinders is kinders wat nog klein is: “Koos het nog klein kinders en moet dikwels kinders oppas.” As iemand vertel van haar kleinkinders wat kom kuier, verwys sy na een of meer van haar kinders se kinders.
Let op die uitspraak: “Kleinkinders” en “grootmense” word vinniger uitgespreek as “klein kinders” en “groot mense”. Die een wat vinnig gesê word, word vas geskryf; die een wat stadig gesê word, los.
Bron: Die tale wat ons praat – taaldinge uit die gewilde radioprogram
Uitgewer: Penguin Random House
Prys: R230,00*
*Prys onderhewig aan verandering
Koop die boek by Graffiti Boeke