Taalgebruik: grootte of grote?

Argieffoto (Foto: Suné van Heerden)

Argieffoto (Foto: Suné van Heerden)

Die Afrikaans vir size is grootte.
Die selfstandige naamwoord grote beteken “die groot een”.

ʼn Skoen van dié grootte of net so ʼn groot skoen [NIE: dié dieselfde grootte skoen]
ʼn Standbeeld is lewensgroot of van lewensgrootte [NIE: ʼn lewensgrootte standbeeld] asook
ʼn koningsgroot bed of ʼn bed van koningsgrootte

grootte
1 afmetings; omvang; uitgebreidheid: die grootte van ʼn huis/plaas/stad; Watter grootte rok/hemp/skoen dra jy?
2 [geen meervoud] toestand/hoedanigheid van meer as die normale of gewone afmetings/omvang/uitgestrektheid te besit: ʼn stoeier/kantoorgebou/dam wat indrukwekkend is vanweë sy grootte; toeneem in grootte en belangrikheid

grote
1 iets wat groot afmetings het: Ek sal die klein stukkie eet; neem jy die grote; Die grote het weggekom, sê die vissermanne altyd
2 volgroeide mens/dier: Die grotes en die kleintjies moet geskei word
3 belangrike persoon: Alexander die Grote

Hierdie brokkie is gepubliseer in die boek: Skryf Afrikaans van A tot Z
Uitgewer: Pharos
Prys: R425-00*
* Prys onderhewig aan verandering

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

3 Kommentare

ria de kock ·

Dis mos nie ‘n toffie nie die grootte van die pampoen en goeienag ou grote of hoe se ek

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.