Taalgebruik: invoer, uitvoer

Argieffoto

Argieffoto

Invoer het geen meervoudsvorm nie [NIE: invoere]. Baie vervalste produkte word onwettig in die land ingevoer (en soms na ander lande uitgevoer). Produkte word deur Suid-Afrika uit ʼn ander land ingevoer. ʼn Nuwe leerplan of stelsel word in skole ingevoer, ingestel of in werking gestel.

Uitvoer het geen meervoudsvorm nie [NIE: uitvoere] en word met die lidwoord die gebruik: Die uitvoer van vrugte na Europa het toegeneem. Planne word ten [NIE: tot] uitvoer gebring of, nog beter, uitgevoer. ʼn Laai word met papier uitgevoer, en ʼn rok word met byvoorbeeld satyn gevoer.

Hierdie brokkie is gepubliseer in die boek: Skryf Afrikaans van A tot Z
Uitgewer: Pharos
Prys: R425-00*
* Prys onderhewig aan verandering

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae