Taalgebruik: ontdek, uitvind

Argieffoto. (Foto: Tumisu/Pixabay)

Gebruikers van Afrikaans verwar dikwels ontdek en uitvind met mekaar.

Ontdek dui op iets vind wat daar was, maar wat nie bekend was of waargeneem is nie, terwyl uitvind dui op iets nuuts vind: Columbus het uit ʼn Europese oogpunt Amerika ontdek [NIE Amerika uitgevind], maar ’n mens vind ’n nuwe chemiese middel uit of die telefoon is uitgevind.

Beter sinonieme vir uitvind is agterkom, hoor, verneem (iets het gebeur), te wete kom en vasstel.

ontdek
1 iets vind wat nog altyd daar was, maar waarvan niemand voorheen geweet het nie; te wete kom dat iets bestaan of so is: ’n nuwe eiland/plantsoort/diersoort ontdek • goud/diamante ontdek.
2 kry/vind wat verborge is: ’n fout ontdek.

uitvind
1 vir die eerste keer vasstel hoe iets nuuts gemaak/gebou/ens. kan word; uitdink: ’n dodelike nuwe wapen uitvind.
2 te wete kom; vasstel: Ek kon nie uitvind wat hy bedoel het nie.

Bronne: Skryf Afrikaans van A tot Z, Handwoordeboek van die Afrikaanse Taal (6de uitgawe) 

  • Ter wille van die konteks van hierdie taaltoffie en ter wille van erkenning aan die bron versoek ons dat jy nie bloot net ʼn skermskoot van hierdie taaltoffie op sosiale media sal deel nie, maar eerder die skakel van die Toetentaal-plasing sal gebruik. – Red 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie word ongelukkig tydelik gesluit van Vrydagaand om 19:30 tot Maandagoggend om 06:00. Kom kuier gerus later weer!

Nuuswenke kan deur hierdie vorm gestuur word.