Taalgebruik: skrei, skry

Argieffoto

“Skrei” is volgens die Handwoordeboek van die Afrikaanse Taal (HAT) ʼn woord wat in formele taal gebruik word. Dit beteken om te huil of te roep, en die woord vorm ook deel van die vaste uitdrukkings “dit skrei ten hemele”, wat beteken iets is baie erg of ʼn onreg, en “dit skrei om wraak”, ʼn verwysing na ʼn daad wat nie ongestraf kan bly nie. Byvoorbeeld:

  • Die skreiende kontras tussen die betrokke partye is ooglopend.
  • “Dit skrei ten hemele,” het inwoners gesê oor die verwoesting wat deur ʼn tornado aangerig is.
  • Die misdaad was so gruwelik dat dit om wraak geskrei het, en die gemeenskap het geëis dat geregtigheid geskied.

Wanneer ʼn persoon statig loop, kan ʼn mens sê hy of sy skry voort. Die HAT verduidelik dat dit ʼn deftige woord is wat weinig gebruik word. Byvoorbeeld:

  • By die koninklike troue het die wagte met groot waardigheid voortgeskry. Dit is ʼn indrukwekkende oomblik vir almal wat toekyk.
  • In die historiese rolprent het ridders in hulle harnasse voortgeskry na die kasteel om vir die komende stryd gereed te maak.

Bronne: Handwoordeboek van die Afrikaanse Taal (HAT)

  • Ter wille van die konteks van hierdie taaltoffie en ter wille van erkenning aan die bron versoek ons dat jy nie bloot net ʼn skermskoot van hierdie taaltoffie op sosiale media sal deel nie, maar eerder die skakel van die Toetentaal-plasing sal gebruik. – Red

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.