Taalgebruik: soek, opsoek, deursoek

Argieffoto (Foto: nightowl, Pixabay)

Argieffoto (Foto: nightowl, Pixabay)

Taaltoffie stel ondersoek in oor die gebruik van die woorde soek, deursoek en opsoek.

Jy soek iets of jy soek daarna [NIE: soek daarvoor]. Die polisie soek die inbreker [EERDER AS: is op soek na].

seek dit kan nie voor die voet met soek vertaal word nie: Albei lande strewe die einde van die oorlog na [NIE: soek vrede] of albei wil ʼn einde aan die oorlog maak

Jy deursoek (figuurlik) jou hart (verlede tyd: het jou hart deursoek), en die polisie soek die huis deur of deursoek die huis na dwelms (verlede tyd: het die huis deurgesoek/deursoek, of gefynkam) en soek die rekenaarlêers deur na inligting. Die inwoners is gevisenteer of deurgesoek.

opsoek
1 Deur te soek probeer opspoor: Iets in ʼn woordeboek opsoek.
2 ʼn Besoek bring; kuier: Ek kom jou opsoek by julle nuwe woonplek by die see. Iemand se geselskap opsoek.
3 Kies as plek om die tyd te verwyl: Die koelte, skaduwee opsoek

Hierdie brokkie is gepubliseer in die boek: Skryf Afrikaans van A tot Z
Uitgewer: Pharos
Prys: R350-00*
* Prys onderhewig aan verandering

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

1 Kommentaar

jongste oudste gewildste
Hanno

OPSOEK : Wat van : “Ek is OP SOEK NA my sleutels”?