Argieffoto. (Foto: Ben White/Unsplash)
ʼn Mens kan in Afrikaans verskoning vra of om verskoning vra vir iets. Daar bestaan nie ʼn woord soos *omverskoning of *onverskoning nie, en dus ook nie uitdrukkings soos *omverskoning vra of *onverskoning vra of *on verskoning vra nie.
Betekenis
1 rede wat jy gee om verkeerde gedrag of nalatigheid te verduidelik; verontskuldiging; ekskuus: Wat is jou verskoning? Hoekom is jy laat? • allerlei verskonings maak/aanbied vir jou foute • Ek aanvaar jou verskoning. | (om) verskoning vra sê dat jy jammer is oor iets wat jy gesê/gedoen het: om verskoning vra vir jou onnadenkendheid.
2 verdediging; regverdiging: As verskoning vir my optrede kan ek die volgende aanbied.
3 (verouderd, weinig gebruiklik) skoon klere of linnegoed: ’n verskoning saamneem vir die naweekkuier.
Bron: Handwoordeboek van die Afrikaanse Taal (HAT, 6de uitgawe) en HAT Taalgids
