Woord:
Brandewyn
Betekenis:
Sterk drank, met omtrent 40 tot 50 persent alkohol, verkry deur gegiste druiwe- of vrugtesap te stook.
Waar kom die woord vandaan?
Brandewyn kom uit Nederlands brandewijn (al Middelnederlands), so genoem omdat die drank vervaardig is uit wyn wat gestook of “gebrand” is. Engels brandy was eers brandywine en kom wsk. ook uit Ndl. brandewijn. Eerste optekening in vroeë Afr. in 1762 in die samestelling brandewynketel (Scholtz 1972: 117).
D. Branntwein (13de eeu). Vanuit vroeë Afr. in S.A.Eng. (1806).
Bron: Woordeboek van die Afrikaanse Taal
