Betekenis:
‘n Karnallie. ‘n Ondeunde/ Onnutsige persoon.
Waar kom dit vandaan?
‘n Karnallie is volgens die woordeboek ‘n “geslepe peroon; deugniet, vabond”. Die ongunstige betekenis van “geslepe” is vandag net in Nederland nog van pas en die uitdrukking word in Afrikaans gewoonlik in ‘n goedige sin vir ‘n vabond gebruik. Die woord karnallie kom uit Frans canaille wat uit die Italiaanse canaglia (“hondegebroedsel”) gekry het en wat met Latyn canis (“hond”) verband hou. In albei die tale het net die ongunstige betekenis bly voortbestaan.