Onsinnige sinne

Soms let ons nie op wat ons skryf nie, en die uiteinde is totaal onsinnig! Hier is ‘n paar uitstekende voorbeelde…

 

Ek is wakker gemaak deur die getjank van ‘n hond wat deur die oop venster gekom het.

SJ du Toit het gelewe tot sy dood op 28 Mei 1911.

In die Karoo is die riviere so droog dat hulle meestal sonder water vloei.

Wanneer die pelgrims op kruistogte vertrek het, het hulle verwag dat hulle dood sou terugkeer.

Berig in Die Burger, 5 September 1994, bl. 1: “Voordat die laaste bemanningslid afgespring het, het hy 18 grade na stuurboord oorgehel. Daar was ook ‘n lelike bars in sy romp.”

Lincoln het sy beroemde Gettysburgse toespraak geskryf terwyl hy van Washington na Gettysburg op reis was agter op ‘n ou koevert.

Hy het vroeg reeds die pad na sukses in sy kop geteer.

(…word vervolg…)

Oorspronklik gepubliseer in die boek Kwinksinnig: Taalskertse deur Johan Combrink met illustrasies deur Piet Grobler.
Uitgewers: Tafelberg, 1998

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

cecilta ·

Jo-jo-jo. Ai toggie, vir die kwinte en die kwale. As leestekens gelees kon word, sal al dese ‘spreuke’ tog wel sin maak.. Veral die eerste en laaste laaste ‘geteerde’ kunstigheid.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.