Ottermaklottertjie s.nw., ottermaklottertjies. (geselstaal; minder gebruiklik)
Drankie, dikwels ‘n skemerdrankie: Kêrels, ons moet darem minder drink. Ek sal sê voor middagskof so ‘n versterkinkie en dan saans weer ‘n ottermaklottertjie (D.H. v. Zyl: Swerwerspore, 1943, 126). Hy het sy storie gaan haal daar waar hy by sy strandhuis gesit en kyk het hoe die son oor die see sak en goud skyn deur sy ottermaklottertjie (L. Spies in Die Burger, 5 Mei 1993, Joernaal, 4). Eers is hulle met hoenderpastei bederf, en nog later is hulle oor die straat genooi vir ‘n ottermaklottertjie (Sarie, 16 Jun. 1976, 35).