Argieffoto (Foto: RyanMcGuire, Pixabay)
Woord:
gimnasium
Betekenis:
plek vir liggaamsoefeninge en spierontwikkeling
Waar kom dit vandaan?
In antieke Griekeland het die atlete in die openbaar geoefen – en ook in hul adamsgewade. In Grieks beteken gimnasium dus op ʼn manier “kaelnaelery, plek waar mense nakende oefen” (uit Grieks gumnos “nakend”).
Selfs die Amerikaners het dit geweet: toe van hulle geoloë ʼn nuwe soort silikaat van magnesium in die Bare Hills, Maryland ontdek het, het hulle dit heel gepas gimniet genoem na die Engelse bare (“naak”).
Ook in die viskunde het dié woord ʼn draai gemaak: Die Gynmotus electricus is die sidderaal wat ʼn sterk elektriese skok kan veroorsaak. Die naam is saamgestel uit gum “kaal” + noton “rug” – die aal het geen vinne op die rug nie: dus ʼn naakte rug.
Dié taalbrokkie is oorspronklik gepubliseer in dr Anton Prinsloo se boek, ‘n Dief aan die Kers – skelm woorde deur die eeue (uitgegee deur NB Uitgewers)
Koop die boek: Graffiti Boeke
Prys: R225-00*
*Prys onderhewig aan verandering
Dankie so interessant om oorsprong te leer!
Baie interessant! Maar dit laat my tog wonder: hoe het dit dan gebeur dat naaktheid wat blykbaar in vervloeë tye heel aanvaarbaar was, nou so ‘n groot taboe geword het?
Goed. Nou wil ek weet waar diw ou term vir skole dan vandaan kom,tewel:Paarl gimnasium en Potch gimnasium.
was daar geen skooldrag of klere betrokke nie. Nog altyd gewonder ….
Die vis moet dan seker Gymnotus wees, en nie Gynmotus nie.