Taaltoffie: “Mooiweer” of “mooi weer”?

Argieffoto

Argieffoto

Mens hoor gereeld van mooiweersvriende en Afrikaanssprekendes wat “mooi weer” tydens hul vakansie geniet het. En beteken “mooi weer” nou dit gaan reën of skyn die son?

Mooiweer (een woord) is deel van die uitdrukking mooiweer speel met iemand se goed (vriendelik wees teenoor iemand ter wille van eie voordeel, soos in mooiweersvriend).

[Dit is] mooi weer (twee woorde) slaan op aangename, sonnige of lekker weer (dit lyk nie of dit gaan reën nie): Môre sal dit mooi weer en warm wees. Daarteenoor beteken die weer is mooi (“belowend”) in sommige streke van die land dat dit lyk na reën.

Guur beteken “onaangenaam” of “onplesierig” en word in verband met die weer gebruik.
Onguur beteken “afstootlik”, “weersinwekkend”, “ru” of “gemeen”: ‘n ongure vent, toneel, gedrag of buurt.

Hierdie brokkie is gepubliseer in die boek: Skryf Afrikaans van A tot Z
Uitgewer: Pharos
Prys: R350-00*
* Prys onderhewig aan verandering

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae