WAT Woord van die week: advokaat

Argieffoto

Argieffoto

Woord:
advokaat

Betekenis:
Gekwalifiseerde regsgeleerde wat tot die balie toegelaat word en daarna in die hoërhof as pleitbesorger vir ‘n party wat ‘n siviele geding voer, optree.

Waar kom dit vandaan?
Uit Nederlands advocaat, uit Latyn advocatus “byeengeroepene”, uit ad “na” en vocare “roep”.

In die Romeinse tyd was dit die benaming van iemand wie se hulp deur ‘n gedaagde ingeroep is om laasgenoemde voor die gereg van raad te bedien. Oorspronklik was dit vriende en verwante wat saam voor die regbank verskyn het om vanweë hulle getal, aansien of trane, invloed op die regter uit te oefen.

Hierdie interessante brokkie is aan Maroela Media se Taaltoffie verskaf deur die Woordeboek van die Afrikaanse Taal.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Don Jordaan ·

Die voorsittershamer (soos in die prentjie) pas glad nie by ‘n advokaat nie.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.