WAT Woord van die week: argitek

Argieffoto (Foto: Unsplash, Pixabay)

Argieffoto (Foto: Unsplash, Pixabay)

Woord:
argitek

Betekenis:
1. Ontwerper van geboue en bestuurder van die uitvoering van die ontwerpe.
2. Beplanner, uitvoerder, skepper.

Waar kom dit vandaan?
Uit Nederlands architect (1553), uit Frans architecte uit Latyn architectus “boumeester, ontwerper” uit Grieks architekton “boumeester”, gevorm van archi- “vernaamste” en tekton “vakman, kunstenaar”, met laasgenoemde verwant aan techne “tegniek, kuns, kunde”.
Grieks archi uit arkhos “regeerder”, uit arkein “regeer” word –aarts in Afrikaans soos in aartsbiskop (Engels archbishop) en –arg soos in monarg, matriarg en patariarg.

Hierdie interessante brokkie is aan Maroela Media se Taaltoffie verskaf deur die Woordeboek van die Afrikaanse Taal.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae