Woord:
darem (bywoord)
Gebruike:
1. In weerwil van, nietemin, desondanks, tog: Hy het dit darem reggekry. Ek kan nie juis sing nie, maar ek sal darem probeer.
2. Werklik, inderdaad, ongetwyfeld: Dit is darem ver. Sy is darem mooi. Dit het darem lekker gereën. Jy is darem ‘n ou staatmaker.
Darem is ‘n verswakte vorm van die Nederlands daarom in die verouderde betekenis “tog, nieteenstaande, dat”.
Vanuit Afrikaans ook in Suid-Afrikaanse Engels in die vorm daarem (1920).
Hierdie interessante brokkie is aan Maroela Media se Taaltoffie verskaf deur die Woordeboek van die Afrikaanse Taal.