WAT Woord van die Week: doedelsak

doedelsak-small

Skotse doedelsakspeler Foto: spoonandchair.wordpress.com

Woord:
doedelsak

Betekenis:
1. Skotse blaasinstrument, bestaande uit ‘n lugsak met pype.
2. Rommelsak.
3. (eufemisties) Manlike geslagsdele.

Waar kom dit vandaan?
In betekenis 1 uit Nederlands doedelzak (1783).
Betekenis 2 en 3 het in Afrikaans self ontwikkel.

Nederlands doedelzak uit Hoogduits Dudelsack uit Slawiese tale, vergelyk Tsjeggies dudy “doedelsak”, Serwo-Kroaties duduk “fluit”, uit Turks ook duduk “fluit”, wat verband hou met dudak “lip”.

Die Duitse vorm Dudelsack is beïnvloed deur dudeln: “‘n gedempte toon voortbring, op ‘n doedelsak speel”. Nederlands doedelen = “fluit” of “op die doedelsak speel”.

Hierdie interessante brokkie is aan Maroela Media se Taaltoffie verskaf deur die Woordeboek van die Afrikaanse Taal.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.