Woord:
kafoefel
Betekenis:
Vry: Die nooi kafoefel lekker. Die polisieman is op die spoor van die kafoefelende paartjie (Die Burger).
Waar kom dit vandaan?
Ons het kafoefel van die Skotte gekry. Skotse Engels het aanvanklik ‘n wisselvorm carfuffle gehad vir die Engels cerfuffle wat “deurmekaar maak, in die war bring” beteken het. Later het hulle nog ‘n wisselvorm, naamlik carfuddle gehad, maar toe raak hulle deurmekaar met die Engels foodle wat “liefkoos” beteken en so kry carfuffle toe die betekenis van “liefkoos”.
Hierdie interessante brokkie is aan Maroela Media se Taaltoffie verskaf deur die Woordeboek van die Afrikaanse Taal.