Grafika: paperlinx-sux.com
Woord:
kakkerlak
Betekenis:
Soort insek
Waar kom dit vandaan?
Uit Nederlands kakkerlak (1646). Eerste optekening in Afrikaans by Leibbrandt (1882).
Nederlands kakkerlak uit verouderde Portugees cacalacca, met laasgenoemde uit ‘n Wes-Indiese taal. Die Portugese het die insekte waarskynlik caca-laccas, letterlik ‘insek waarvan die ontlasting lyk soos lak’, genoem na die kleur en gladde voorkoms van hul eiers en uitwerpsels.
Duits Kakerlak.
kokkerot s.nw. Kakkerlak.
Deur volksetimologie ontstaan uit Engels cockroach (1624)
Hierdie interessante brokkie is aan Maroela Media se Taaltoffie verskaf deur die Woordeboek van die Afrikaanse Taal.
