Woord:
kittelorig
Betekenis:
Liggeraak, opvlieënd.
Waar kom dit vandaan?
Uit Nederlands kitteloorig (1642), ‘n samestellende afleiding met -ig van kittelen “kielie” en oor “oor”, wat aanvanklik met betrekking tot diere, veral perde, gebruik is om aan te dui dat hulle nie daarvan hou dat hulle ore gekielie word nie en dat sodanige aanraking hulle onrustig stem.
Hierdie interessante brokkie is aan Maroela Media se Taaltoffie verskaf deur die Woordeboek van die Afrikaanse Taal.