WAT Woord van die Week: maarskalk

Veldmaarskalk Lord Roberts Foto: Wikipedia

Veldmaarskalk Lord Roberts Foto: Wikipedia

Woord:
maarskalk (selfstandige naamwoord)

Betekenis:
Opperoffisier met die hoogste militêre rang, hoër as ‘n generaal en dikwels opperbevelhebber van ‘n land se strydmagte of sy totale weermag.

Waar kom dit vandaan?
Uit Nederlands maarschalk, ‘n samestelling van Middelnederlands mare “perd” en scalc “dienaar, kneg”. Die woord het oorspronklik “stalkneg, hoefsmid, koninklike amptenaar met toesig oor die leër se voertuie en trekdiere” beteken, en daarna “hoë amptenaar” en “offisier van hoë rang”.

Duits Marschall, Engels marshal, Frans maréchal.

Hierdie interessante brokkie is aan Maroela Media se Taaltoffie verskaf deur die Woordeboek van die Afrikaanse Taal.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae