Woord:
makrielkuite
Betekenis:
Baie maer kuite of soms bene: By die swemkuil het ons seuns hom altyd gespot met sy smal skouertjies en sy makriel-kuite (W. v.d. Berg: Karoo, 1951, 35).
Woord:
makriel
Waar kom dit vandaan?
Enigeen van verskeie soorte seevisse met smaaklike vleis, of baie gewilde aassoort.
Uit Nederlands makreel. Middelnederlands makerele “koppelaarster” uit Frans macquerelle “koppelaarster” (Frans macquereau “koppelaar”). Volgens Nederlandse volksgeloof volg die makriel die skole jong haring om mannetjies en wyfies bymekaar te bring.
Hierdie interessante brokkie is aan Maroela Media se Taaltoffie verskaf deur die Woordeboek van die Afrikaanse Taal.