Woord:
mombakkies (selde ook mombakkie)
Betekenis:
1. Masker in die vorm van ‘n snaakse of skrikwekkende gesig.
2. Gesigsuitdrukking, optrede of houding wat ware emosie verberg.
Waar kom dit vandaan?
Uit Nederlands mombakkes, ‘n samestelling van mom “masker, gemaskerde” en bakkes “gesig”.
Vanuit Afrikaans in S.A. Eng. in die vorm mombakjes (1913).
bakkies s.nw. (geselstaal) Gesig.
Uit Nederlands bakkes (1617) “gesig”, moontlik ‘n afleiding met -s van bakke “wang”.
Hierdie interessante brokkie is aan Maroela Media se Taaltoffie verskaf deur die Woordeboek van die Afrikaanse Taal.