WAT Woord van die week: onbesuis

Argieffoto (Foto: Olichel, Pixabay)

Argieffoto (Foto: Olichel, Pixabay)

Woord:
onbesuis (ook soms onbesuisd)

Betekenis:
Wild en woes, of onbesonne, onbeteueld: onbesuisde optrede, onbesuisde woede; Wie het nou weer so onbesuis geraak dat hy sy eie seun se voortande uitgeslaan het? (Huisgenoot, 20 Junie 1985, 141).

Waar kom dit vandaan?
Uit Nederlands onbesuisd. Die woord is saamgestel uit on + besuisd, en besuisd hou verband met die Middelnederlandse werkwoord besusen of besuysen “tot bedaring bring, sus”, en was oorspronklik klanknabootsend gevorm. Onbesuis beteken dan eintlik “nie tot bedaring gebring nie”.

Hierdie interessante brokkie is aan Maroela Media se Taaltoffie verskaf deur die Woordeboek van die Afrikaanse Taal. Ondersteun gerus hulle Borg ‘n Woord-projek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.