Woord:
ontbyt
Betekenis:
Eerste maaltyd van die dag
Waar kom dit vandaan?
Die ont- van ontbyt, beteken “om te begin”, net soos in ontbrand, ontvlam en ontwaak, en is dus naby in betekenis aan breakfast, naamlik “om te begin byt of hap”.
Sinonieme brekfis (geselstaal), môrestuk (verouderd), oggendete (minder gebruiklik), vroegstuk (verouderd).
Waar kom “brekfis” vandaan?
Verafrikaanste vorm van Engels breakfast (1463). Engels breakfast is ‘n samestelling van break “breek” en fast “vas”, so genoem omdat ontbyt die maaltyd is waarmee jy jou vas in die oggend verbreek.
Hierdie interessante brokkie is aan Maroela Media se Taaltoffie verskaf deur die Woordeboek van die Afrikaanse Taal. Ondersteun gerus hulle Borg ‘n Woord-projek.
Ag dis te oulik. Ons pragtige en lieflike afrikaanse taal…al gehoor van” knortjor” hehe? (Go-kart)