Woord:
palawa (dikwels saam met hele) (geselstaal) Ook palawer.
Betekenis:
Affêre, gedoente of bohaai: Vandeesweek se hele palawa oor vroue in die Bok-kleedkamers (doen) ‘n effe belaglik aan (Die Burger, 5 Sept. 1992, 14).
Woord:
palawer (geselstaal)
1 Omslagtige gepraat, bespreking of onderhandeling, dikwels sonder rigting of nut.
2 (dikwels saam met hele) Sien PALAWA: Die aand gaan steel ek rose uit die Goewerneur se tuin. Groot palawer toe ‘n paar soldate my die volgende dag by die huis kom soek (A.P. Brink: Houd-den-Bek, 1982, 22).
Hierdie interessante brokkie is aan Maroela Media se Taaltoffie verskaf deur die Woordeboek van die Afrikaanse Taal.