WAT Woord van die Week: pastel

Pastel-kleurkryt (argieffoto)

Pastel-kleurkryt (argieffoto)

Woord:
pastel

Betekenis:
1. Kleurkryt
2. Tekening of skildery met kleurkryt gemaak

Waar kom dit vandaan?
Uit Nederlands pastel, uit Frans pastel, uit Italiaans pastello, ‘n verkleinwoord wat van Latyn pasta “deeg” afgelei is. Tot in die 17de eeu is sekere kleurstowwe uit plante verkry. Die deegagtige, papperige stof waarin die kleurstowwe voorgekom het, het ‘n assosiasie met pasta gewek.

Ook die Afrikaanse woorde pasta, pastei, ‘n gebak van deeg, en patee, ‘n fyn smeer, kan teruggevoer word na Latyn pasta “deeg”.

Hierdie interessante brokkie is aan Maroela Media se Taaltoffie verskaf deur die Woordeboek van die Afrikaanse Taal.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.