Woord:
pierewaai
Betekenis:
Jol, rinkink.
Waar kom dit vandaan?
Uit Nederlands pierewaaien, oorspronklik ‘n seemanswoord
Nederlands pierewaaien uit Russies pirowát “fuif”, ‘n afleiding van pir “gasmaal”.
Woord:
rinkink
Betekenis:
1. Fuif, feesvier.
2. Baljaar, uitgelate wees.
Waar kom dit vandaan?
Uit Nederlands rinkinken, ‘n klanknabootsende woord wat aanvanklik beteken het om ‘n harde geluid te maak soos wanneer glas of metaal aan iets raak, ‘n geluid wat dikwels by ‘n vrolike feesmaal veroorsaak word. Hieruit ontwikkel die betekenis “geraas of lawaai maak”. Van Dale (1999) gee nog slegs die betekenis van glase wat rinkink.
Hierdie interessante brokkie is aan Maroela Media se Taaltoffie verskaf deur die Woordeboek van die Afrikaanse Taal.